مدة الفيلم 20 دقيقة
سيناريو وحوار / صفاء عبد المنعم
مشهد / 1
نهار / خارجى
حجرة إجتماعات صغيرة
**************************************
راشد / المؤتمر اللى بنجهز له ياجماعة ،
لازم يخلص قبل نهاية الترم
ده ،
وبداية الأمتحانات .
جهزتى إيه ياسحر ؟
الكاميرا فى وضع كلوز على وجه راشد وهو يحاول
أن يسيطر على أعصابه بعض الشىء ، ويضغط على الكلمات .
سحر / والله ياراشد ، أنا لقيت راعى رسمى للمؤتمر ،
وده من رجال الأعمال ،
وهو اللى عرض خدماته .
سحر فى السنة النهائية بالكلية ، بدون حجاب ،
تتسم بالشجاعة والحكمة .
الكاميرا تستعرض وجوه الجالسين من خلال عينى
سحر وهى توجه لهم الحديث .
فى حركة بانورامية سريعة تتنقل الكاميرا فى
أرجاء الحجرة على جميع الجالسين ، ينصتون فى أهتمام .
وأمامهم بعض الأوراق الخاصة بالمؤتمر .
هدى / وأنا عملت تغطية أعلامية جيدة ،
وكمان وجة الدعوة لبعض رجال
الفكر والصحافة والفانين ، وأرسلت دعوة
للأستاذ حمدين صباحى .
طالبة محجبة
، وتحب المسرح وعضوه بفريق التمثيل بالجامعة ، تتسم بالهدوء الشديد ،
وصديقة راشد .
راشد / فى حماس زائد .. هايل ياهدى ،
عايزين مؤتمر رائع ، ونحشد
له بشكل جيد .
يشير بيده ناحية المجموعة الثانية المواجهة
لهدى وسحر ، وهما تامر وأحمد .
راشد / وأنت ياتامر عملت إيه ؟
تامر / أنا ممكن أشوف شركة كوكا كولا
تكون الراعى
الرسمى أفضل ، لأن عندها
دعاية جيدة .
تامر صديق أحمد وهو يجيد العزف على الجيتار ،
ويعمل فى فرقة الكلية ، ويكره أحمد بعض الشىء ، وأحيانا يشعر أنه مدسوس عليهم
ومدعى وغير واضح ، وكلامه غامض بعض الشىء .
راشد / على العموم كويس ،
إحنا المفروض نطرق كل
الأبواب .
أحمد / حتى لو كان باب الشيطان .. ؟!
( فى حدة ولهجة قاسية )
عشان خاطر المؤتمر ؟؟
تامر / ( يفهم بسرعة ) تمويل الجامعة
مش كفاية !
سحر
/ (تضحك كى تغير الحديث )
صحيح ياجماعة بالمناسبة ،
أختارتوا مسرحية إيه
للمسابقة ؟
هدى / السنة اللى فاتت ، أحمد أختار
مسرحية الأشياء
تتداعى ، وكسبنا بيها المركز الأول فى ساقية
الصاوى ، والفضل يرجع
لمجهود راشد الرائع
فى الإخراج ، وموسيقى تامر طبعا .
راشد / إيه رأيكم فى نص الذباب
لسارتر؟!
يصفق الجميع بأيديهم أبتهاجا بالنص .
تامر / الذباب نص هايل .
الجميع / نعم .. نعم .
راشد / على بركة الله .
( يقوم الجميع فى سرعة يجمعون أوراقهم من على
المنضدة الصغيرة ، أستعدادا للخروج ، يأتى صوت وبعض الصيحات المنددة من خارج
الحجرة )
مشهد
2
نهار / داخلى
الممر أمام حجرة
الأجتماع
***********************
عابد وسلوى
/ يعلقان شارة رابعة على ملابسهما وبعض الطلبة كذلك ، يتاشجرون مع بعض الطلبة ، وهم يحاولن منعهم من
الدخول ، فى محاولة لأقتحام الحجرة التى يجلس فيها ( راشد وتامر وسحر وهدى
وأحمد ) بصوت مرتفع جدا .
عابد / فى حدة شديدة وغضب وحقد واضح فى
عينيه .
/ واخدين .. كل الأنشطة و مكوشين عليها ، إيه
/ مافيش غيرهم فى الجامعة .
راشد / يفتح الباب فى سرعة ، يقف على باب
الحجرة ،
فى هدوء وثقة بالنفس ، يقف الطلبة فى صمت
وورائهما تقف هدى وسحر فى ذعر
وخوف شديد .
سلوى / شخصية حقودة ، تكره هدى وسحر
لقربهما من شلة راشد وتامر . فى سخرية شديدة وهى تنظر نحو سحر وهدى بغيظ شديد
..
/ ياناس دول واخدين كل حاجة ، مسرح ،رحلات
/ مؤتمرات ، وما خفى كان أعظم .
سحر / فى حدة وتوجه كلامها إلى عابد
وسلوى
/ قعدتوا سنين تكسبوا إتحاد
الطلبة ، عمالتوا إيه ؟
راشد / فى هدوء شديد وهويحاول الضغط على
الكلمات
/ وماله ياعابد تعالوا بعد المحاضرة ونقعد سوا
/ وأشتركوا معانا ، أحنا ما
معنديناش أى مانع.
( ينظر نحو أصداقائه ) صح
ياسحر ، صح
/ ياهدى تهزان رأسيهما
دليل على الموافقة .
عابد / فى غيظ شديد وحنق ، هو يريد
أن يتعارك .
/ أنتوا فاكرين نفسكم مين ؟ أحنا
مش فى رابعة هنا
/ وأنت عامل لى فيها زعيم !
/ يمد يده يحاول خنق راشد من
رقبته .
أشتباك حاد بين سلوى ومن
معها من البنات مع
هدى وسحر ، يتدخل بعض
الطلبة تتسع
المشاجرة ، تمد سلوى يدها
تحاول أن تنزع
الحجاب من على رأس هدى .
سلوى / وكمان عملالى فيها شيخة .
فى سرعة تقف سحر بينهما وتمنعها ، من الخلف
يتقدم أحمد وتامر ويدفعا
سحر وهدى داخل
الحجرة .
الأصوات تتعالى ، والشجار
يستمر .
قطع
مشهد 3
نهار / داخلى
داخل حجرة الإجتماعات
**********
يندفع الجميع فى سرعة داخل الحجرة ، وراء سحر
وهدى ، طالبات منتقبات ، ومحجابات ، وطالبات عاديات جميعهن غير موافقات على ما حدث
من سلوى ومن معها ، ومحاولة نزع الحجاب عن رأس هدى .
هدى تحاول أن تعدل طرحة الحجاب ، وسحر
تساعدها بوضع الدبابيس لها وتثبيت الطرحة
فوق رأسها
سحر
/ لألألأ مش ممكن سلوى وعابد وشلتهم زودواها
خالص لازم نشتكى للعميد .
تامر / منفعلا ، أنا مطول صبرى عليهم .
هدى / ولا سلوى كنت آخر واحدة أعتقد أنها
تعمل كده
/ وتطلع رابعوية .
يدخل راشد فى أندفاع شديد ووراءه وبعض الطلبة
المستائين مما حدث .
راشد
/ على فكرة المعركة ماانتهتش ،
عابد وسلوى راحوا
/ يحشدوا العيال بتوع دار علوم ضدنا .
هدى
/ أنا قلبى حاسس إن أحمد ده خليه
نايمة ، وعامل نفسه
معانا .
الأصوات تتعالى ، يدخل بعض الطلبة مندفعين
داخل الحجرة ، يتشابكون معهم . الأصوات تتعالى ، وصراخ شديد من هدى وسحر ، حاسب
ياتامر .
قطع
مشهد
4
نهار / خارجى
الممر أمام الحجرة
******
أصوات زعيق وصياح ، يتميز صوت عابد الجهورى ،
وهو يشتم ويثب الفن وشلة راشد وتامر ، وسلوى ومعها بعض الطالبات أيضا .
عابد
/ يوجه كلامه إلى تامر ، ويريد أقتحام الحجرة ، واحمد
/ إن كنت فاكر إن الجنيرال بتاعك هو اللى هيكسب
الأنتخابات ، وأنت واللى زيك
ياسوسو هيستولوا على
البلد ...تبقى غلطان ، خليك فاكر .. إن الدم
بيجيب دم
وأحنا مش هنسكت على دم شهدائنا فى رابعة
والنهضة .
صياح ولغط شديد بين الطلبة ، وتراشق بالأيدى
والأحزمة .
سلوى
/ الدم اللى سال على أرض رابعة والنهضة لسه
بيصرخ ،ولازم ناخد بتارهم .
سحر
/ فى حدة شديدة من داخل الحجرة .
ودم جيكا وأبو ضيف ومحمد الجندى دم
رخيص .
تدخل سلوى وبعض المنتقبات للهجوم على هدى
وسحر ومن معهما من طالبات داخل الحجرة .
قطع
.
مشهد
5
/
داخلى
حجرة العميد
********
مكتب فخم ، يجلس العميد على كرسى جلد ن
والطلبة يقفون أمامه فى صفين متقابلين .
صف يقف فيه راشد وتامر وهدى وسحر وبعض الطلبة
، القمصان مقطعه ، وبهم بعض الخدوش فى الوجه ، وبعض قطرات الدم على قميص تامر .
صف يقف فيه عابد وسلوى وبعض الطلبة يعلقون
شعار رابعة على ملابسهم .
يتوجه العميد بكلامه فى هدوء شديد إلى أحمد الذى
يقف بمفرده بعيدا عن الجميع ، وعلى ملابسه أثار الدم والتمزق الشديد .
العميد
/ والله عال ، أنتوا جاين تتعاركوا ، ولا تتعالموا ، وانا اللى بقول عليكم عاقلين وفى نهائى علوم.
يوجه كلامه إلى أحمد ، وأنت يا مفكر ، ياللى بقول عليك عقال مع مين ؟ قولى إيه اللى بيحصل .
أحمد / فى
حزن شديد .
لازم نحافظ على مكتسابات الثورة
.ودم الثوار .
عابد
/ فى حدة وصراخ شديد .
وخصوصا الشرعية ، والثورة على
الأنقلاب .
تامر
/ يوجه كلامه إلى عابد فى حدة شديدة .
أنت أعمى .. بص حواليك .. شوف
سوريا
اللى ادمرت ، واليمن اللى أتفتت ،
وليبيا واللى
بيحصل فيها .. فوقوا بقى ..كل ده
لصالح مين ؟
راشد
/ فى هدوءه الشديد والمعتاد ، يحاول السيطرة على كلامه ، رغم الحزن الذى بداخله .يوجه كلامه
إلى عابد ومن معه .
أنت تعرف حاجه عن أتفاقية (
الكويز )
ومشكلة حوض النيل ، ومحاولة تصحر
مصر ،
أصحوا قبل ما ريح السّموم تهب
علينا ، وتاكل
الأخضر واليابس .
عابد
/ يصفق فى سخافة وهو يضحك ،
برافو ،بس ياريت تبطل حنجورى بقى ، زهقنا .
سلوى
/ أشد سخافة من عابد .
بطلوا نفخ طربوش الأستثمار الأجنبى .
تامر
/ فى حدة وغضب شديدة من سخريتها .
و الحل مش توزيع الحسنات والهبات على الغلابة .
الأمة بتنهض من قاعدة الهرم ، مش من راسه .
فوقوا ، أصحوا .
أحمد
/ مازال يقف بمفرده ، وموقفه غير واضح ،
مافيش حاكم غير فى خيال المحكوم .
واللى جاى هيهرس العمة والطربوش .
يقف الجميع فى صمت صاعق بعد سماع رأى أحمد .
يقف العميد متجها ناحية أحمد ، ويربت على
كتفه ، ثم يوجه كلامه للجميع .
العميد
/ وأنا مع كلام أحمد ، وموافق عليه .
ثم يدور حول مجموعة راشد وتامر ، مثل وكيل النيابة ، عندما يحقق فى جريمة .
/ أنا قلت أنت العاقل اللى فيهم ياأحمد والله .
أنتوا فاكرين أوباما لما جه مصر فى
عام 2009 .
ينظر الجميع نحوه فى هدوء .
يجلس على المقعد الفخم .
العميد
/ ووجه خطابه من هنا ..
يخبط على المكتب بقبضة قوية .
من هذه الجامعة تحديدا قال إيه ؟!
الجميع فى أنصات شديد وصمت .
العميد / حد عارف ؟
صمت شديد .
العميد / قال : عليك أن تحترم حقوق الأخرين .
وأن تتحلى بروح التسامح ،
والحلول الوسط .
يقوم واقفا فى مكانه .
أنا هاسمع كلامه ، وهاسمحكم ،
على شرط ..
مافيش تظاهرات داخل الجامعة ..
ولا أعتصامات .
وكل واحد ينصرف لدراسته .
ينظر بحده تجاه مجموعة راشد
وتامر .
/ ولا ..ألغى المؤتمر ، وجميع
الأنشطة .
صمت .
ينظر تجاه مجموعة عابد وسلوى .
ولا أبلغ الأمن ، يصرف معاكم .
ويادار مادخلك شر .
فى غضب شديد وصرامة قوية .
أتفضلوا ياأساتذة .
يخرج الجميع فى صمت مطبق وهم مستائين وغير مصدقين
.
العميد
/ أحمد . ... استنا . أنا عايزك .
يقف احمد مبهوتا غير مصدقا .
ينسحب الجميع خارجين من المكتب فى جزع وشك
وريبة .
قطع
مشهد 6
نهار / داخلى
خارج مكتب العميد
*****
تامر / فى همس شديد يوجه كلامه إلى راشد .
أنا كنت عارف ومتأكد إن أحمد
خلية نايمة .
سحر
/ أحمد وفهمناها ، لكن العميد عايزه ليه ؟
هدى / أنا مش مصدقه .
راشد / ليه صدقوا ، ما أحنا فى زمن
العجايب .
يسير الجميع بخطوات واسعة إلى الخارج .
قطع
مشهد 7
نهار / داخلى
مكتب العميد
****
العميد
/ وهو فى شعور المنتصر .
يضع يده على كتف أحمد ، ويضحك فى خبث
،وهو
ينظر إليه.
إيه ياشيخ أحمد ، إيه رأيك فى اللى بيحصل فهمنى ؟
أحمد
/ فى تلعثم شديد .
اللى تشوفه حضرتك .
العميد
/ راشد مثقف ثورى ، وتامر بيحب المزيكا ،وشاعر
زيك لازم يوزن الأمور .
أنا هكمل لك أنت لوحدك ، باقى
جملة أوباما...
( هناك بعض القادة الذين يؤيدون
الديمقراطية
وهم خارج السلطة . وهم قساة فى
قمع حقوق
الآخرين ، حتى يصيروا فى سدة الحكم ) .
قول لصاحبك عابد ، الشرعية هى
شرعية الشعب .
أحمد
/ فى تلعثم واضح من أفتضاح أمره ...أنا !
العميد / ممكن تتفضل .
يتجه أحمد ناحية الباب ، للخروج
.
العميد
/ يرفع صوته قليلا .
بلاش تشبطوا فى بعض كل شوية ،
فكروا بشكل عملى
أحمد / يفتح الباب ليخرج .
العميد / مع السلامة .
يلوح له بيده .. باى ..باى .
يغلق أحمد الباب خلفه .
قطع
مشهد 8
نهار / خارجى
الشارع
**
يفتح تامر باب سيارته ، يجلس راشد إلى جواره
، وهدى وسحر فى الكرسى الخلفى .
يدير تامر الكاست ، ينبعث صوت عمار الشريعى
وفريق الأصدقاء فى أغنية ( الحدود ) .
تنطلق السيارة بهم ، وفى الخلف كف يد يلوح
باى .. باى .
الكاميرا تستعرض الشارع والزحام فى حركة
بانورامية ، والأغنية تنساب فى هدوء .
